ಭೂಮಿಯ ಒಳಗಿನ ತಟ್ಟೆಗಳ ಚಲನೆಯಿಂದ ಉಂಟಾಗುವ ಭೂಕಂಪವು ಮಾನವ ಜೀವನವನ್ನು ಅಸ್ತವ್ಯಸ್ತಗೊಳಿಸುವ ಶಕ್ತಿಯನ್ನು ಹೊಂದಿದೆ. ಭೂಕಂಪದ ಪರಿಣಾಮಗಳು ಕೇವಲ ಕಟ್ಟಡಗಳಿಗೆ ಮಾತ್ರ ಸೀಮಿತವಾಗದೆ, ಪ್ರಕೃತಿ ಮತ್ತು ಸಮಾಜದ ಎಲ್ಲಾ ಕ್ಷೇತ್ರಗಳ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ ಭೂಕಂಪದ ಬಗ್ಗೆ ಜಾಗೃತಿ ಹೊಂದುವುದು ಅತ್ಯವಶ್ಯಕವಾಗಿದೆ.
ಭೂಕಂಪದಿಂದಾಗುವ ಪರಿಣಾಮಗಳು
- ಭೂಕಂಪದಿಂದ ಮಾನವ ನಿರ್ಮಿತ ಕಟ್ಟಡಗಳು, ಗೋಪುರಗಳು, ಜಲಾಶಯಗಳು, ರಸ್ತೆಗಳು, ಸೇತುವೆಗಳು, ಗಗನಚುಂಬಿತ ಇ-ಮಾರುತಗಳು, ಸ್ಮಾರಕಗಳು, ನಗರ-ಪಟ್ಟಣಗಳು, ಕಾರ್ಖಾನೆಗಳು ಹಾಗೂ ವಿಮಾನ ನಿಲ್ದಾಣಗಳು ಮುಂತಾದವುಗಳಿಗೆ ಧಕ್ಕೆಯಾಗುತ್ತದೆ.
- ರಸ್ತೆಗಳು, ರೈಲುಮಾರ್ಗಗಳು, ಟೆಲಿಫೋನ್ ಕಂಬಗಳು, ವಿದ್ಯುತ್ ಕಂಬಗಳು, ಮೊಬೈಲ್ ಟವರ್ಗಳು ಹಾಗೂ ಸಂಪರ್ಕ ಸಾಧನಗಳು ಸರ್ವನಾಶವಾಗುತ್ತವೆ.
- ಜನ ಜಾನುವಾರುಗಳು, ಜನರ ಆಸ್ತಿಪಾಸ್ತಿಗಳು ಹಾಗೂ ಬೆಳೆಗಳು ಹಾನಿಗೊಳಗಾಗುತ್ತವೆ.
- ನೈಸರ್ಗಿಕ ಅನಿಲದ ಸಿಲಿಂಡರ್ ಸ್ಫೋಟ, ಊದು ಕುಲುಮೆ, ಚಿಮಣಿ, ಗಣಿಗಳು ಹಾಗೂ ಕಾರ್ಖಾನೆಗಳು ಹಾಳಾಗುವುದಲ್ಲದೆ ಅಗ್ನಿ ಸರೋವರ ಸೃಷ್ಟಿಯಾಗಬಹುದು.
- ನದಿಗಳಲ್ಲಿ ಪ್ರವಾಹ ಸೃಷ್ಟಿಯಾಗಬಹುದು ಹಾಗೂ ನದಿಗಳು ತಮ್ಮ ದಿಕ್ಕನ್ನು ಬದಲಿಸಬಹುದು.
- ಭೂಕುಸಿತ ಹಾಗೂ ಭೂ ಪಾತಾಳಗಳಿಂದ ಹೆಚ್ಚಿನ ಪ್ರಮಾಣದ ಪ್ರಾಣ ಹಾಗೂ ಆಸ್ತಿ ಹಾನಿಯಾಗಬಹುದು.
- ಭೂಕಂಪದಿಂದ ಭೂಮಿಯು ಬಿರುಕುಬಿಡುವುದರಿಂದ ಮನೆಗಳು, ಕಟ್ಟಡಗಳು, ಜನಜಾನುವಾರುಗಳು ಮುಳುಗಡೆಯಾಗಬಹುದು.
- ನದಿಗಳು ಹಾಗೂ ಸರೋವರಗಳು ಶಾಶ್ವತವಾಗಿ ಮುಚ್ಚಿ ಹೋಗಬಹುದು.
- ಭೂ ಸ್ವರೂಪಗಳು ಹೊಸದಾಗಿ ಸೃಷ್ಟಿಯಾಗಬಹುದು.
- ಸಮುದ್ರದ ಆಳದಲ್ಲಿ ಭೂಕಂಪವಾದರೆ ಸುನಾಮಿ ಅಲೆಗಳು ಎದ್ದು ಕರಾವಳಿಗೆ ಅಪ್ಪಳಿಸಬಹುದು. ಇದರಿಂದ ಕರಾವಳಿ ಪ್ರದೇಶದಲ್ಲಿ ವಾಸಿಸುವ ಜನರ ಜೀವನಕ್ಕೆ ಹಾನಿಯಾಗಬಹುದು.
ಭೂಕಂಪ ನಿರ್ವಹಣಾ ಕ್ರಮಗಳು:
- ನೂತನ ತಂತ್ರಜ್ಞಾನವನ್ನು ಅಳವಡಿಸಿ ಭೂಕಂಪಗಳಿಂದ ಹಾನಿಗೊಳಗಾಗದಂತಹ ಮನೆಗಳನ್ನು ನಿರ್ಮಿಸಬೇಕು. ಬಿದಿರು,ಕಟ್ಟಿಗೆ ಹಾಗೂ ತಗಡನ್ನು ಮೇಲು ಹೊದಿಕೆಯಾಗಿ ಬಳಸಿ ನಿರ್ಮಿಸಿದ ಮನೆಗಳಿಂದ ಅಪಾಯ ಕಡಿಮೆ.
- ಮನೆಯಲ್ಲಿನ ಸಿಲಿಂಡರ್, ರೆಫ್ರಿಜರೇಟರ್, ವಿದ್ಯುತ್ ಉಪಕರಣಗಳನ್ನು ಸುವ್ಯವಸ್ಥೆಯಿಂದ ಕಾಪಾಡಬೇಕು. ಏಕೆಂದರೆ ಭೂಕಂಪದ ಸಮಯದಲ್ಲಿ ಅಗ್ನಿ ಅನಾಹುತವಾಗುವ ಸಂಭವ ಇರುತ್ತದೆ.
- ಭೂಕಂಪದ ಕುರಿತು ಮುಂಚೆನೆ ಎಚ್ಚರಿಕೆಯನ್ನು ಜನರಿಗೆ ನೀಡುವುದು ಒಳಿತು. ಇದರಿಂದ ಜನರು ಸುರಕ್ಷಿತ ಸ್ಥಳಕ್ಕೆ ಹೋಗಿ ಸೇರಬಹುದು.
- ಹೆಲ್ಮೆಟ್ ಹಾಗೂ ಚಿಕಿತ್ಸಾ ಪೆಟ್ಟಿಗೆಯನ್ನು ಹೊಂದಿದ್ದರೆ ಭೂಕಂಪದ ಸಮಯದಲ್ಲಿ ಸ್ವರಕ್ಷಣೆ ಮಾಡಿಕೊಳ್ಳಬಹುದು.
- ಭೂಕಂಪ ಸಂಭವಿಸಿದಾಗ ವಿದ್ಯುತ್ ಕಂಬಗಳು, ಮೊಬೈಲ್ ಟವರ್ಗಳು ಹಾಗೂ ದೊಡ್ಡ ದೊಡ್ಡ ಕಟ್ಟಡಗಳ ಹತ್ತಿರ ನಿಲ್ಲದೆ ದೂರ ಹೋಗಿ ರಕ್ಷಣೆ ಪಡೆಯಬೇಕು.
- ಭೂಕಂಪದ ಸಮಯದಲ್ಲಿ ಬೆಂಕಿಗೆ ಸಂಬಂಧಿಸಿದ ಯಾವ ವಸ್ತುಗಳನ್ನು ಹತ್ತಿರದಲ್ಲಿ ಇಟ್ಟುಕೊಳ್ಳಕೂಡದು.
- ಸಮುದ್ರ ತೀರ ಹಾಗೂ ಬೀಚ್ಗಳಿಂದ ದೂರವಾಗಿರುವುದು ಸೂಕ್ತವಾದದ್ದು.
- ಹಳೆಯ ಕಟ್ಟಡಗಳನ್ನು ಕೆಡವಿ ಹೊಸ ಕಟ್ಟಡಗಳನ್ನು ನಿರ್ಮಿಸಬೇಕು.
- ಹೊಸ ಹೊಸ ವೈಜ್ಞಾನಿಕ ವಿಧಿ ವಿಧಾನಗಳನ್ನು ಬಳಸಬೇಕು.