ಹಸಿರು ಮನೆ ಪರಿಣಾಮವು ಇಂದಿನ ಜಗತ್ತಿನ ಅತ್ಯಂತ ಗಂಭೀರ ಪರಿಸರ ಸಮಸ್ಯೆಯಾಗಿದೆ. ಮಾನವ ಚಟುವಟಿಕೆಗಳಿಂದಾಗಿ ವಾತಾವರಣದಲ್ಲಿ ಉಷ್ಣಾಂಶ ಹೆಚ್ಚಾಗಿ ಭೂಮಿಯ ಸಹಜ ಸಮತೋಲನ ಹದಗೆಡುತ್ತಿದೆ. ಇದರ ಪರಿಣಾಮವಾಗಿ ಜಾಗತಿಕ ತಾಪಮಾನ ಏರಿಕೆ, ಪ್ರಕೃತಿ ವಿಕೋಪಗಳು ಹಾಗೂ ಜೀವ ವೈವಿಧ್ಯಕ್ಕೆ ಅಪಾಯ ಉಂಟಾಗಿದೆ.

ಹಸಿರು ಮನೆ ಪರಿಣಾಮದ ದುಷ್ಪರಿಣಾಮಗಳು:

 ಹಸಿರು ಮನೆ ಪರಿಣಾಮ ಈ ಕೆಳಗಿನ ಕಾರಣಗಳಿಂದ ಸಂಭವಿಸುತ್ತದೆ.

1. ಜಾಗತಿಕ ತಾಪಮಾನವು ಹಸಿರು ಮನೆ ಪರಿಣಾಮದಿಂದ ಏರಿಕೆಯಾಗಿದೆ.
2. ಮಿತಿಮೀರಿದ ಜನಸಂಖ್ಯೆ, ಫಾಸಿಲ್‌ ಇಂಧನಗಳ ಅತಿಯಾದ ಬಳಕೆ ಹಾಗೂ ಕಾಡುಗಳ ನಾಶದಿಂದ ಹಸಿರು ಮನೆ ಪರಿಣಾಮದ ಮೇಲೆ ದುಷ್ಪರಿಣಾಮ ಬೀರುತ್ತದೆ.
3.  ಭೂಮಂಡಲದ ಶಾಖದಿಂದಾಗಿ ಸಮುದ್ರದ ನೀರಿನ ಮಟ್ಟದಲ್ಲಿ ಏರಿಕೆಯಾಗುತ್ತದೆ. ಕಳೆದ ಒಂದು ಶತಮಾನದಲ್ಲಿ ಸಾಗರದ ನೀರಿನ ಮಟ್ಟ ಶೇಕಡ 15ರಷ್ಟು ಏರಿಕೆಯಾಗಿದೆ.
4.  ಭೂಮಿಯ ತಾಪಮಾನದ ಹೆಚ್ಚಾಗುವಿಕೆಯಿಂದ ಹಿಮ ಪ್ರದೇಶದಲ್ಲಿನ ಹಿಮಗಡ್ಡೆಗಳು ಕರಗಿ ಸಾಗರದ ನೀರಿನ ಮಟ್ಟದಲ್ಲಿ ಏರಿಕೆಯಾಗುತ್ತದೆ. ಈಗಾಗಲೇ ಹಲವು ಕಡೆಗಳಲ್ಲಿ ಸಾಗರದ ನೀರಿನ ಮಟ್ಟ ಏರಿಕೆಯಾಗಿರುವುದು ದೃಢಪಟ್ಟಿದೆ.
5. ಭೂ ಮೇಲ್ಮೈ ಉಷ್ಣತೆ ಹೆಚ್ಚಾದಂತೆ ಬಿರುಗಾಳಿ ಹೆಚ್ಚಾಗುವ ಸಂಭವ ಇರುತ್ತದೆ. ಉದಾ: 2002 ರಲ್ಲಿ ಆಂಧ್ರದಲ್ಲಿ ಬಿರುಗಾಳಿ ಬೀಸಿ ಸಾವಿರಾರು ಜನರು ಪ್ರಾಣ ತೆತ್ತರು.
6.  ಭೂಮಿಯ ತಾಪಮಾನ ಹೆಚ್ಚಾದರೆ ಕೆರೆ, ಬಾವಿ, ನದಿ, ಸರೋವರಗಳು ಒಣಗಿ ಹೋಗಿ ಕುಡಿಯುವ ನೀರಿನ ಕೊರತೆ ಉಂಟಾಗುತ್ತದೆ.
7.  ಭೂಮಿಯ ತಾಪಮಾನದ ಪ್ರಮಾಣ ದಿನೇ ದಿನೇ ಹೆಚ್ಚಾದರೆ ಅಂತರ್ಜಲ ಇಂಗಿ ಹೋಗುತ್ತದೆ.
8.  ವಾತಾವರಣದಲ್ಲಿನ ಬಿಸಿ ಗಾಳಿಯಿಂದ ಜನರ ಚರ್ಮದ ಮೇಲೆ ತೀವ್ರತರದ ಪರಿಣಾಮ ಬೀರುತ್ತದೆ.
9. ಭೂಮಿಯ ತಾಪಮಾನದ ಪರಿಣಾಮದಿಂದ ಪಶು ಪಕ್ಷಿಗಳು, ಜಲಚರ ಪ್ರಾಣಿಗಳು ಹಾಗೂ ಮಾನವ ಜೀವಿ ನೀರಿಲ್ಲದೆ ಸಾಯಬಹುದು.
10.  ಭೂಮಿಯ ಅತಿಯಾದ ಉಷ್ಣಾಂಶದಿಂದ ಕೃಷಿ ಬೆಳೆಗಳು, ನೆರಳು ನೀಡುವ ಮರಗಳು ಹಾಗೂ ದಟ್ಟವಾದ ಕಾಡುಗಳು ಕಾಡ್ಗಿಚ್ಚಿಗೆ ಬಲಿಯಾಗಬಹುದು.

ಹಸಿರು ಮನೆ ಪರಿಣಾಮದ ನಿವಾರಣೋಪಾಯಗಳು:

1. ಹಸಿರು ಮನೆ ಪರಿಣಾಮಕ್ಕೆ ಕಾರಣವಾಗುವ ಅನಿಲಗಳನ್ನು ನಿಯಂತ್ರಿಸಲು CFCs ಮತ್ತು ಪಳೆಯುಳಿಕೆ ಆಧಾರಿತ ಇಂಧನಗಳ ಬಳಕೆಯನ್ನು ಕಡಿಮೆಗೊಳಿಸುವುದು.
2.  ಮಿತಿಮೀರಿ ಬೆಳೆಯುತ್ತಿರುವ ಜನಸಂಖ್ಯೆಗೆ ಕಡವಾಣವನ್ನು ಹೇರುವುದು.
3.  15 ವರ್ಷ ಮೀರಿದ ಯಾವುದೇ ವಾಹನಗಳನ್ನು ರಸ್ತೆಗೆ ಇಳಿಸದಂತೆ ಕ್ರಮ ಕೈಗೊಳ್ಳುವುದು.
4.  ಶಕ್ತಿ ಸಾಧನಗಳನ್ನು ಪ್ರಯೋಜನಕಾರಿಯಾಗಿ ಬಳಸಿಕೊಳ್ಳಬೇಕು.
5. ರೆಫ್ರಿಜರೇಟರ್ ಹಾಗೂ ಹವಾನಿಯಂತ್ರಿತ ವ್ಯವಸ್ಥೆಗಳ ತಯಾರಿಕೆಯಲ್ಲಿ ಕ್ಲೋರೋ ಫ್ಲೋರೋ ಕಾರ್ಬನ್ ರಹಿತ ತಂತ್ರಜ್ಞಾನವನ್ನು ಬಳಕೆ ಮಾಡಬೇಕು.
6.  ಉರುವಲು ಸೌದೆಗಾಗಿ, ಅಣೆಕಟ್ಟು, ರಸ್ತೆ, ಸೇತುವೆ ಹಾಗೂ ಕಟ್ಟಡಗಳ ನಿರ್ಮಾಣಕ್ಕಾಗಿ ಅಧಿಕ ಸಂಖ್ಯೆಯ ಮರಗಳನ್ನು ಕಡಿಯುವುದನ್ನು ಕಡಿಮೆಮಾಡಬೇಕು.
7.  ಮರವಿದ್ದರೆ ನಾಡು-ನಾಡಿದ್ದರೆ ನಾವು ಎಂಬ ಉಕ್ತಿಯನ್ನು ಅನುಸರಿಸಬೇಕು.
8.  ಮಿಥೇನ್ ಸಂಗ್ರಹಿಸಿ ಅದನ್ನು ಇಂಧನವಾಗಿ ಬಳಸುವುದು.
9. ಗಿಡಮರಗಳನ್ನು ಹೆಚ್ಚು ಹೆಚ್ಚು ಬೆಳೆಸುವುದನ್ನು ಒಂದು ಹವ್ಯಾಸವಾಗುವಂತೆ ಜನರಲ್ಲಿ ಜಾಗೃತಿ ಮೂಡಿಸಬೇಕು.
10. ಪಕ್ಕದಲ್ಲಿ ಕಾಡು ಹಾಳಾಗುತ್ತಿದೆ ನನಗೆನಾಗಬೇಕಾಗಿದೆ ಎಂಬ ಉದಾಸಿನ ಮನಸ್ಸಿನಿಂದ ನಡೆದುಕೊಳ್ಳುವುದನ್ನು ಬಿಡಬೇಕು.
11.  ಸಾವಯವ ಕೃಷಿ ಪದ್ಧತಿಯನ್ನು ಅಳವಡಿಸಿಕೊಳ್ಳಬೇಕು.
12.  ಕಲ್ಲಿದ್ದಲು, ಪೆಟ್ರೋಲ್‌, ಸೀಮೆಎಣ್ಣೆ ಹಾಗೂ ಅಣು ವಿದ್ಯುತ್ ಸ್ಥಾವರಗಳನ್ನು ತಡೆಗಟ್ಟಬೇಕು.

ಉಪಸಂಹಾರ

ಹಸಿರು ಮನೆ ಪರಿಣಾಮವನ್ನು ನಿಯಂತ್ರಿಸದಿದ್ದರೆ ಭವಿಷ್ಯದಲ್ಲಿ ಭೂಮಿಯ ಮೇಲೆ ಜೀವಿಸುವುದು ಕಷ್ಟಕರವಾಗಬಹುದು. ಪರಿಸರ ಸಂರಕ್ಷಣೆ ಪ್ರತಿಯೊಬ್ಬರ ಜವಾಬ್ದಾರಿಯಾಗಿದ್ದು, ಇಂಧನ ಬಳಕೆಯಲ್ಲಿ ಮಿತಿಯು, ಮರ ನೆಡುವ ಅಭ್ಯಾಸ ಮತ್ತು ಶುದ್ಧ ಶಕ್ತಿ ಬಳಕೆ ಅಗತ್ಯವಾಗಿದೆ. ಸರ್ಕಾರದ ಪ್ರಯತ್ನಗಳ ಜೊತೆಗೆ ಸಾರ್ವಜನಿಕ ಜಾಗೃತಿಯೂ ಅತಿ ಮುಖ್ಯವಾಗಿದೆ. ಇಂದೇ ನಾವು ಕೈಗೊಳ್ಳುವ ಸಣ್ಣ ಕ್ರಮಗಳು ನಾಳೆಯ ಭದ್ರ ಭವಿಷ್ಯಕ್ಕೆ ದಾರಿ ಮಾಡಿಕೊಡುತ್ತವೆ. ಪರಿಸರವನ್ನು ಉಳಿಸಿದರೆ ಮಾತ್ರ ಮಾನವ ಜೀವನ ಉಳಿಯುತ್ತದೆ.

ವಾತಾವರಣದಲ್ಲಿರುವ ಇಂಗಾಲದ ಡೈಆಕ್ಸೈಡ್‌, ಮಿಥೇನ್ ಹಾಗೂ ನೀರಾವಿಗಳು ಭೂಮಿಯ ಮೇಲ್ಮೈಯಿಂದ ಪ್ರತಿಫಲನಗೊಳ್ಳುವ ಶಾಖವನ್ನು ಹಿಡಿದು ಇಟ್ಟುಕೊಂಡಾಗ ವಾತಾವರಣದಲ್ಲಿ ಉಷ್ಣತೆ ಅಧಿಕಗೊಳ್ಳುತ್ತದೆ. ಇದನ್ನು ಹಸಿರು ಮನೆ ಪರಿಣಾಮ ಎಂದು ಕರೆಯುವರು. ಭೂಮಂಡಲ ಬಿಸಿಯಾಗಲು ಮುಖ್ಯವಾದ ಕಾರಣವೆಂದರೆ ಇಂಗಾಲದ ಡೈಆಕ್ಸೈಡ್‌, ಮಿಥೇನ್ ಹಾಗೂ ನೀರಾವಿಗಳು. ಇದರೊಂದಿಗೆ ಕ್ಲೋರೋಫ್ಲೋರೋ ಕಾರ್ಬನ್‌ಗಳೆಂಬ ಮಾನವ ಕಂಡುಹಿಡಿದ ಕೃತಕ ಹಸಿರು ಮನೆ ಅನಿಲವೂ ಸೇರಿಕೊಂಡಿದೆ. ಇದರಿಂದಾಗಿ ಹಸಿರು ಮನೆ ಪರಿಣಾಮದ ತೀವ್ರತೆ ಹೆಚ್ಚಿ ಭೂಮಿಯ ವಾಯುಮಂಡಲ ಅಪಾಯಕಾರಿ ಮಟ್ಟದಲ್ಲಿ ಬಿಸಿಯಾಗಿದೆ.

ಇಂದಿನ ವಾಯುಮಂಡಲದ ತಾಪಮಾನ ದಿನೇ ದಿನೇ ಏರಿಕೆಯಾಗುತ್ತಿದೆ. ಇದು ವಾಯುಗುಣದ ಬದಲಾವಣೆಗೆ ಕಾರಣವಾಗಿದೆ. 1970 ರಿಂದ 1999ರ ಅವಧಿಯಲ್ಲಿ ಹೆಚ್ಚಾದ ತಾಪಮಾನದ ಶೇಖರಣೆಯ ಹೊರತಾಗಿ ಸಮುದ್ರ ಹಾಗೂ ಭೂಮಿಯ ಮೇಲ್ಮೈ ಈ ಎರಡರಲ್ಲಿಯೂ ಆದ ಸರಾಸರಿ ಹೆಚ್ಚಳವನ್ನು ದಾಖಲು ಮಾಡಲಾಗಿದೆ.  20ನೇ ಶತಮಾನದಲ್ಲಿ ಜಾಗತಿಕ ಉಷ್ಣತೆಯಲ್ಲಿ 0.8^೦ c (1.4^೦ F) ನಷ್ಟು ಏರಿಕೆಯಾಗಿದೆ. ಇದರಲ್ಲಿ 1980 ನಂತರ 3/2 ಭಾಗದಷ್ಟು ಏರಿಕೆಯನ್ನು ದಾಖಲಿಸಲಾಗಿದೆ.  ಶೇಕಡ 90ರಷ್ಟು ಜಾಗತಿಕ ತಾಪಮಾನ ಹಸಿರು ಮನೆ ಅನಿಲದ ಸಾಂದ್ರತೆಯ ಏರಿಕೆಯ ಪರಿಣಾಮವೆಂದು ವಿಜ್ಞಾನಿಗಳ ಅಭಿಮತವಾಗಿದೆ. 

ನಮ್ಮ ಭೂಮಿಯ ಮೇಲ್ಮೈನ ಸರಾಸರಿ ತಾಪಮಾನ 15° c (59^೦F) ಇದೆ. ಆದರೆ ಕಳೆದ ಶತಮಾನಗಳಲ್ಲಿ ಈ ತಾಪಮಾನದ ಪ್ರಮಾಣ 0.6 ^೦ c (1^೦F) ನಷ್ಟು ಹೆಚ್ಚಳವಾಗಿದೆ. 2100  ವೇಳೆಗೆ ಅದು 1.4 ರಿಂದ 5.8⁰ c ಅಂದರೆ (2.5 ರಿಂದ 10.4^೦ ಸೆ.) ಹೆಚ್ಚಳವಾಗುವ ಸಾಧ್ಯತೆ ಇದೆ. ತಾಪಮಾನದ ಹೆಚ್ಚಳದಿಂದ ಧ್ರುವ ಪ್ರದೇಶಗಳ ಹಿಮಕರಗಿ ನೀರಾಗುತ್ತದೆ. ಮತ್ತು ಸಾಗರದಲ್ಲಿ ನೀರಿನ ಮಟ್ಟ ಹೆಚ್ಚಾಗುತ್ತದೆ. ಇದರೊಂದಿಗೆ ತಾಪಮಾನದ ಏರಿಕೆಯಾಗುವ ಸಂಭವವು ಹೆಚ್ಚಾಗಿದೆ. ಭೂಮಿಯು ತನ್ನ 4.65 ಬಿಲಿಯನ್ ವರ್ಷಗಳಲ್ಲಿ  ಹಲವಾರು ಬಾರಿ ಬೆಚ್ಚನೆಯಿಂದ ಕೂಡಿದ್ದು ಹಾಗೂ ಹಲವು ತಂಪಾಗಿದೆ. ಆದರೆ ಇತ್ತೀಚಿಗೆ ತಾಪಮಾನದಲ್ಲಿ ತೀವ್ರತೆಯನ್ನು ಭೂಮಿ ಎದುರಿಸುವಂತಾಗಿದೆ.

ಜಾಗತಿಕ ತಾಪಮಾನದ ಹೆಚ್ಚಳಕ್ಕೆ ಕಾರಣಗಳು

1. ಜೈವಿಕ ಇಂಧನಗಳನ್ನು ಅಳತೆ ಮೀರಿ ಉರಿಸುವುದು ಹಾಗೂ ವಾಹನಗಳು ಬಿಡುವ ಹೊಗೆ ಮತ್ತು ಸೌದೆಯನ್ನು ದಹಿಸುವುದರಿಂದ ಭೂಮಂಡಲದಲ್ಲಿ ಅಧಿಕ ಹೊಗೆ ಹರಡಿಕೊಳ್ಳುತ್ತದೆ. ಇದರಿಂದ ಇಂಗಾಲದ ಡೈಆಕ್ಸೈಡ್‌ ಪ್ರಮಾಣ ಹೆಚ್ಚಾಗುತ್ತದೆ. ಅರಣ್ಯ ನಾಶದಿಂದಾಗಿಯೂ ತಾಪಮಾನ ಏರಿಕೆಯಾಗುತ್ತಿದೆ.
2. ಭತ್ತದ ಗದ್ದೆಗಳು ಮತ್ತು ಹಸುಗಳ ಸಗಣಿಯಲ್ಲಿರುವ ಸೂಕ್ಷ್ಮಾಣು ಜೀವಿಗಳ ಚಟುವಟಿಕೆಯಿಂದ ಮೀಥೇನ್ ಉತ್ಪಾದನೆಯಾಗಿ ವಾತಾವರಣ ಸೇರುತ್ತದೆ. ಹೀಗಾಗಿ ಜಾಗತಿಕ ತಾಪಮಾನದಲ್ಲಿ ಹೆಚ್ಚಳ ಕಂಡುಬರುತ್ತದೆ.
3. ರಸಾಯನಿಕ ಗೊಬ್ಬರ, ಕ್ರಿಮಿನಾಶಕಗಳನ್ನು ಅತಿಯಾದ ಬಳಕೆ ಮಾಡುವುದು, ಘನ ತ್ಯಾಜ್ಯಗಳನ್ನು ಎಲ್ಲೆಂದರಲ್ಲಿ ಎಸೆಯುವುದು ಸಹ ಜಾಗತಿಕ ತಾಪಮಾನಕ್ಕೆ ಕಾರಣವಾಗುತ್ತದೆ.
4.  ಮಿತಿಮೀರಿದ ಕೈಗಾರಿಕೆಗಳ ಸ್ಥಾಪನೆ ಹಾಗೂ ಘನ ತ್ಯಾಜ್ಯಗಳನ್ನು ಎಲ್ಲೆಂದರಲ್ಲಿ ಸುರಿಯುವುದು.
5.  ವಾಹನಗಳ ಹೊಗೆ, ಪೆಟ್ರೋಲ್‌ ದಹನ ಇತ್ಯಾದಿ ಕಾರಣಗಳಿಂದ ಉಷ್ಣತೆಯ ಪ್ರಮಾಣದಲ್ಲಿ ಏರಿಕೆಯಾಗುತ್ತದೆ. ಓಜೋನ್ ಪದರದ ಶಿಥಿಲತೆಯಿಂದ ಭೂ ಮಂಡಲ ಕಾವೇರುತ್ತದೆ.
6.  ಅಣುಸ್ಥಾವರ ಮತ್ತು ಶಾಖೋತ್ಪನ್ನ ಘಟಕಗಳನ್ನು ಅತಿಯಾಗಿ ಸ್ಥಾಪನೆ ಮಾಡುವುದರಿಂದ ಭೂಮಂಡಲ ಅತ್ಯಂತ ಹೆಚ್ಚು ತಾಪಮಾನದಿಂದ ಕೂಡಿರುತ್ತದೆ.
7.  ಜನಸಂಖ್ಯೆಯ ನಿರಂತರ ಏರಿಕೆಯೂ ಭೂಮಿಯ ತಾಪಮಾನಕ್ಕೆ ಕಾರಣವಾಗಿದೆ.

ಜಾಗತಿಕ ತಾಪಮಾನದ ಪರಿಣಾಮಗಳು

1.  ಜಾಗತಿಕ ತಾಪಮಾನದಲ್ಲಿ ಉತ್ತರ ಧ್ರುವ ಪ್ರದೇಶಗಳು ಹೆಚ್ಚು ಶಾಕಯುಕ್ತವಾಗುವ ಕಾರಣ ಅಲ್ಲಿನ ಮಂಜುಗಡ್ಡೆಗಳು ಕಡಿಮೆಯಾಗುತ್ತವೆ. ಆಗ ಚಳಿಗಾಲದಲ್ಲಿ ಕೆಲವು ಪ್ರದೇಶಗಳಲ್ಲಿ ಮಂಜು ಬೀಳದೇ ಹೋಗಬಹುದು. ಸಮಶೀತೋಷ್ಣವಲಯದ ಮಂಜು ಅವಧಿಗಿಂತ ಮುಂಚಿತವಾಗಿ ಕರಗಿ ಹೋಗುವುದರಿಂದ ಕಾಲಮಾನಗಳ ಅವಧಿಯಲ್ಲಿ ಹೆಚ್ಚು ಕಡಿಮೆಯಾಗುತ್ತದೆ. ಆಗ ಚಳಿಗಾಲ ಮತ್ತು ರಾತ್ರಿಯ ವೇಳೆ ಉಷ್ಣಾಂಶ ಹೆಚ್ಚಾಗುವುದು.
2.  ಬೆಚ್ಚನೆಯ ಪ್ರದೇಶಗಳು ಅರ್ದ್ರತೆಯಿಂದ ಕೂಡಿರುವುದರಿಂದ ನೀರಾವಿ ಹೆಚ್ಚಾಗುತ್ತದೆ. ಇದರಿಂದ ಮಳೆಯ ಪ್ರಮಾಣ ಅಧಿಕವಾಗುತ್ತದೆ. ಇದರೊಂದಿಗೆ ಬಿರುಗಾಳಿ ತೀವ್ರವಾಗುತ್ತದೆ. ಆಗ ಮಣ್ಣಿನಲ್ಲಿನ ತೇವಾಂಶ ಶಾಖದಿಂದ ಬೇಗನೆ ಆವಿಯಾಗಿ ಮಣ್ಣು ಬರಡಾಗುತ್ತದೆ.
3. ಸಾಗರದ ಮೇಲ್ಮೈ ಪದರ ಬಿಸಿಯಾಗುತ್ತಿದ್ದಂತೆ ಸಮುದ್ರದ ನೀರಿನ ಮಟ್ಟದಲ್ಲಿ ಏರಿಕೆಯಾಗುತ್ತದೆ. ಇದರಿಂದ ಮಂಜುಗಡ್ಡೆ ಶೀಘ್ರವಾಗಿ ಕರಗುವುದರಿಂದ ಸಮುದ್ರಕ್ಕೆ ಉಕ್ಕಿ ಹರಿಯುತ್ತದೆ. ಆಗ ತೀರ ಪ್ರದೇಶಗಳು ಮುಳುಗಡೆಯಾಗುವ ಭೀತಿ ಎದುರಾಗುತ್ತದೆ.
4.  ವಾತಾವರಣ ಬಿಸಿಯಾಗುತ್ತಿದ್ದಂತೆ ಪ್ರಾಣಿ ಪಕ್ಷಿಗಳು ಬದಲಾದ ಪರಿಸ್ಥಿತಿಗೆ ಒಗ್ಗಿಕೊಳ್ಳಲಾಗದೆ ತುಂಬಾ ವೇದನೆಯನ್ನು ಪಡುತ್ತವೆ. ಸಾವಿರಾರು ಜಾತಿಯ ಸಸ್ಯಗಳು ನಾಶವಾಗುತ್ತದೆ. ಪ್ರಾಣಿಗಳು ತಂಪು ಪ್ರದೇಶಗಳ ಕಡೆಗೆ ಗುಳೇ ಹೋಗುತ್ತವೆ.
5.  ಜನರು ತುಂಬಾ ಒತ್ತಡಗಳಿಗೆ ಒಳಗಾಗಬಹುದು ಉಷ್ಣವಲಯದ ಸೊಳ್ಳೆ ಹಾಗೂ ಇತರ ಜೀವಿಗಳು ಉಷ್ಣವಲಯದಿಂದ ಶೀತ ವಲಯದ ಕಡೆಗೆ ಪ್ರಯಾಣಿಸಬಹುದು. ಇದರಿಂದ ರೋಗಗಳು ಅಲ್ಲಿ ತೀವ್ರವಾಗಿ ಹರಡಬಹುದು.
6.  ಜಾಗತಿಕ ತಾಪಮಾನದಿಂದ ಹಿಮನದಿಗಳು ಕರಗುತ್ತವೆ.
7.  ಕೃಷಿ ಭೂಮಿ ಕಡಿಮೆಯಾಗಿ ಆಹಾರ ಧಾನ್ಯಗಳು ಜನರಿಗೆ ಸಿಗದೇ ಹೋಗಬಹುದು.
8.  ಹೆಚ್ಚಿನ ಹಿಮಪಾತಗಳು ಅತಿಯಾದ ಮಳೆ ಮತ್ತು ಹೆಚ್ಚಿನ ಪ್ರಮಾಣದ ಚಂಡಮಾರುತಗಳು ಉಂಟಾಗಬಹುದು.
9.  ಮಳೆಯ ಹಂಚಿಕೆಯು ಬದಲಾವಣೆಯಾದರೆ ಕುಡಿಯುವ ನೀರಿಗೆ ಮುಂದಿನ ದಿನಗಳಲ್ಲಿ ಸಂಕಷ್ಟವನ್ನು ಅನುಭವಿಸ ಬೇಕಾಗವುದು.
10. ಶೀತ ವಲಯಗಳು ಮತ್ತು ತಗ್ಗು ಪ್ರದೇಶಗಳು ಸಾಗರದಲ್ಲಿ ಮುಳುಗಿ ಹೋಗಬಹುದು.

ಉಪಸಂಹಾರ 

ಜಾಗತಿಕ ತಾಪಮಾನವು ಭೂಮಿಯ ಜೀವ ವೈವಿಧ್ಯತೆ, ಹವಾಮಾನ ಹಾಗೂ ಮಾನವ ಜೀವನದ ಮೇಲೆ ಗಂಭೀರ ಪರಿಣಾಮ ಬೀರುತ್ತಿದೆ. ಅರಣ್ಯ ನಾಶ, ಇಂಧನದ ಅತಿಯಾದ ಬಳಕೆ ಮತ್ತು ಮಾಲಿನ್ಯ ಈ ಸಮಸ್ಯೆಯನ್ನು ಇನ್ನಷ್ಟು ಗಂಭೀರಗೊಳಿಸುತ್ತಿವೆ. ಪ್ರಕೃತಿಯನ್ನು ರಕ್ಷಿಸುವುದು ಮತ್ತು ಹಸಿರುಮನೆ ಅನಿಲಗಳ ನಿಯಂತ್ರಣವೇ ಈ ಸಮಸ್ಯೆಗೆ ಶಾಶ್ವತ ಪರಿಹಾರವಾಗಿದೆ. ಪರಿಸರ ಸಂರಕ್ಷಣೆಯಲ್ಲಿ ಪ್ರತಿಯೊಬ್ಬರ ಹೊಣೆಗಾರಿಕೆಯೂ ಮಹತ್ವದ್ದಾಗಿದೆ. ಇಂದು ಎಚ್ಚೆತ್ತುಕೊಂಡರೆ ಮಾತ್ರ ಭವಿಷ್ಯದ ಪೀಳಿಗೆಗೆ ಸುರಕ್ಷಿತ ಭೂಮಿಯನ್ನು ಉಳಿಸಬಹುದು.